बजारमा करेक्सन जारीः अबको डिमाण्ड जोन कता ?(प्राविधिक विश्लेषणसहित)

नेपाली शेयर न्यूज । साताको कारोबारको अन्तिम दिन(बिहीबार सार्वजनिक बिदा)बुधबार शेयर बजार १३.५२ अंकले घटेर २६३१ अंकमा पुगेको छ । योसँगै लगातार चौथो कारोबार दिन बजार ओरालो लागेको हो ।

अघिल्लो साता शेयर बजारमा हरियाली छाएपनि यो साता भने कारोबारको पहिलो दिनदेखि नै बजारमा निरन्तर करेक्सन आइरहेको छ । सूचक घटेपनि कारोबार रकम भने बढेको छ । अघिल्लो दिन ४ अर्ब ४८ करोड रुपैयाँको कारोबार भएकोमा आज ५ अर्ब २३ करोड रुपैयाँको कारोबार भएको छ । आज ७४ कम्पनीको मूल्य बढ्दा १७७ कम्पनीको घटेको छ भने ७ कम्पनीको मूल्य स्थिर रहेको छ ।

उद्योग समूहतर्फ फाइनान्स समूह सबैभन्दा धेरै १.५९ प्रतिशतले बढ्यो। फाइनान्ससँगै होटल तथा पर्यटन ०.५२ र उत्पादन तथा प्रशोधन समूह ०.२४ प्रतिशतले बढेका छन्। त्यसैगरी जीवन बीमा समूह १.१८ प्रतिशतले घट्दै सबैभन्दा धेरै ओरालो लाग्यो। बैंकिङ, विकास बैंक, हाइड्रोपावर, लगानी, माइक्रोफाइनान्स, निर्जीवन बीमा, अन्य र व्यापार समूहमा पनि सामान्य गिरावट देखियो। बुधबार पाँच कम्पनीको मूल्य १० प्रतिशतले बढेको छ। सागर डिस्टिलरी, मिथिला लघुवित्त, झापा इनर्जी, स्वस्तिक लघुवित्त र श्रीनगर एग्रिटेकको मूल्य सर्किट लेभलमा पुगेका हुन्।

त्यसैगरी ओम मेगाश्री फर्मास्युटिकल्स, बुङ्गल हाइड्रोपावर, हिमस्टार उर्जा, बन्दीपुर केबुलकार र माबिलुङ इनर्जीको मूल्य पनि उल्लेख्य वृद्धि भएको छ। सामलिङ पावरको मूल्य २.८५ प्रतिशतले घट्दै आज सबैभन्दा धेरै घट्ने कम्पनीमा प¥यो।

अबको डिमाण्ड जोन कता ?

शेयर बजारमा पछिल्लो पटक आएको गिरावटलाई सामान्य टेक्निकल करेक्सनका रूपमा लिन सकिन्छ । बजारले पछिल्लो समय मुभिङ एभरेज च्यानल ब्रेक गरेपछि सूचकले तल्लो ट्रेन्डलाइनलाई परीक्षण गर्ने सम्भावना रहेको अनुमान गरिएको थियो । हाल बजारको चाल त्यही पूर्वानुमान अनुसारको प्याटर्नमा भइरहेको छ ।

बजारको नजिकको डिमाण्ड जोन मंगलबारको ट्रेन्डलाइनकै क्षेत्रमा रहेको छ । सूचकले सुरुमा दिएको वाइ सिग्नल पछिल्लो चरणसम्म कायम रहँदै आएको र बजार हाइयर–हाई र हाइयर–लो को संरचनामा छ । समग्रमा बजारको ट्रेन्ड बिग्रिएको छैन । हालको करेक्सनलाई बियरिस संकेतका रूपमा नबुझि सकारात्मक ट्रेन्डनै कायम रहेको देख्न सकिन्छ । एक घण्टाको मुभिङ एभरेज च्यानल ब्रेकपछि ट्रेन्डलाइनलाई पुनः भिजिट गर्ने सम्भावना बढेको मात्र हो, बजारमा कुनै गम्भीर नकारात्मक परिवर्तन भने आएको छैन ।

बुधबार टप टेन ब्रोकरमध्ये कसले कति कारोबार गरे ?