बजार २५८० देखि २६०० को डिमाण्ड जोनको नजिक(विश्लेषणसहित)

नेपाली शेयर न्यूज । साताको पहिलो दिन आइतबार शेयर बजारका सबै सूचक घटेका छन् । नेप्से परिसूचक अघिल्लो दिनको तुलनामा २३.५० अंकले घटेर २६०७ अंकमा आइपुगेको हो । योसहित लगातार पाँच कारोबार दिन बजार ओरालोमा रह्यो । आइतबार कारोबार सुरु हुँदा बिहान ११ः०९ बजे नेप्से २६३६ अंकमा पुगेको थियो, तर त्यसपछि निरन्तर घट्दै गएको छ ।

आइतबार ४६ कम्पनीको मूल्य बढ्दा २०४ कम्पनीको मूल्य घटेको छ भने ८ कम्पनीको मूल्य स्थिर रहको छ । कारोबार रकम अघिल्लो दिनको ५ अर्ब २३ करोडको तुलनामा १० करोड बढी, ५ अर्ब ३३ करोड रुपैयाँ पुगेको छ ।

क्षेत्रगत सूचक सबै ओरालोमा छन् । बैंकिङ ०.६०, विकास बैंक ०.९३, फाइनान्स १.००, होटल तथा पर्यटन १.२०, जलविद्युत् १.२२, लगानी ०.८९, जीवन बीमा ०.५९, उत्पादन तथा प्रशोधन ०.९१, माइक्रोफाइनान्स १.०४, निर्जीवन बीमा ०.९३, अन्य ०.१२ र व्यापार १.२१ प्रतिशतले घटेका छन् ।

प्राविधिक विश्लेषण

यसअघि नै हामीले गत बुधबार बजारको प्राविधिक विश्लेषणसहित प्रेडिक्सन गरेका थियौं, सोही अनुसार नै अहिले बजार गइरहेको छ ।

हेर्नुहोस्

बजारमा करेक्सन जारीः अबको डिमाण्ड जोन कता ?(प्राविधिक विश्लेषणसहित) | Nepali Share News

नेप्से झिनो अंकले ओरालोः यस्तो छ प्राविधिक विश्लेषण | Nepali Share News

बजार अहिले २५८०–२६०० डिमाण्ड जोनमा पुगेको छ । हामीले अघिल्लो डेली मार्केट अपडेटमा एक घण्टाको मुभिङ एभरेज च्यानल ब्रेकको चार्ट प्रस्तुत गरेका थियौं । अहिले बजार त्यही अनुसार नै अघि बढिरहेको छ। बजारले एक घण्टाको मुभिङ एभरेज च्यानल ब्रेक गरेपछि २५८०–२६०० को डिमाण्ड जोनमा पुग्ने सम्भावना बढी रहेको थियो र अहिले त्यो पूर्वानुमान सही साबित भएको छ । प्राविधिक रूपमा, डिमाण्ड जोनमा पुगेपछि रिभर्सल क्यान्डलस्टिक प्याटर्न देखा पर्न सक्छ, जसले बजारले फर्किने लय समात्न सक्ने संकेत दिन्छ ।

डिमाण्ड जोनमा पुगेपछि रिभर्सल क्यान्डलस्टिक प्याटर्नको पुष्टि भएपछि मात्र कुनै पनि इन्ट्री वा लगानी गर्ने निर्णय लिनु उपयुक्त हुन्छ । बजार २५८०–२६०० डिमाण्ड जोनतिर आइपुगेको छ । प्राविधिक सेटअप अनुसार, यो जोन अब बुलिश गतिविधिको लागि तयार रहेको छ र रिभर्सल प्याटर्नको पुष्टि भएपछि बजारको उकालोको सम्भावना बढ्ने देखिन्छ ।

आइतबार बढी कारोबार गर्ने टप टेन ब्रोकरहरु